സബ് ജയിലിൽ നിന്ന് ചാടിയ പ്രതിയെ പിടികൂടി; കുളിക്കാൻ പോകുന്നതിനിടെ പൊലീസ് കസ്റ്റഡിയിൽ നിന്ന് വീണ്ടും രക്ഷപ്പെട്ടു
കൊയിലാണ്ടി സബ് ജയിലിൽ നിന്ന് രക്ഷപ്പെട്ട പ്രതി വീണ്ടും പോലീസ് കസ്റ്റഡിയിൽ നിന്ന് രക്ഷപ്പെട്ടു. താമരശ്ശേരി സ്വദേശി അനസാണ് ജയിലിൽ നിന്ന് ചാടിയത്. തുടർന്ന് നടത്തിയ തിരച്ചിലിലാണ് ഇയാൾ പിടിയിലായത്. താമസിയാതെ വീണ്ടും കസ്റ്റഡിയിൽ നിന്ന് രക്ഷപ്പെട്ടു. ഇയാൾക്കായുള്ള തിരച്ചിൽ ഊർജിതമാക്കിയിട്ടുണ്ട്.
ഇന്ന് രാവിലെ കുളിക്കാൻ പോകുന്നതിനിടെ ജയിലിന് പുറകിലൂടെ ചാടിയാണ് അനസ് രക്ഷപ്പെട്ടത്. തുടർന്ന് നടത്തിയ തിരച്ചിലിലാണ് ബസ് സ്റ്റാൻഡിന് പിന്നിൽ നിന്ന് ഇയാളെ കണ്ടെത്തിയത്. എന്നാൽ പോലീസിനെ കബളിപ്പിച്ച് ഇയാൾ അവിടെ നിന്നും ഓടി രക്ഷപ്പെട്ടു.
