സ്ഫോടനം ഗൗരവമായി കാണുന്നു, മറ്റ് കാര്യങ്ങള്‍ പറയാറായിട്ടില്ല; പൊലീസിന് ജാഗ്രതാ നിര്‍ദേശം; മുഖ്യമന്ത്രി
കളമശേരി സ്‌ഫോടനത്തിൽ വിശദമായ അന്വേഷണം നടക്കുകയാണെന്ന് മുഖ്യമന്ത്രി പിണറായി വിജയൻ. സ്‌ഫോടനത്തെ കുറിച്ചുള്ള വിവരങ്ങൾ വരുന്നതേയുള്ളൂ. എറണാകുളത്ത് നിന്നുള്ള എല്ലാ പോലീസ് ഉദ്യോഗസ്ഥരും സ്ഥലത്തെത്തിയിട്ടുണ്ട്. ഭീകരാക്രമണമാണോ എന്ന ചോദ്യത്തിനാണ് മുഖ്യമന്ത്രി പ്രതികരിച്ചത്.
ഡിജിപി ഉൾപ്പെടെയുള്ള ഉന്നത ഉദ്യോഗസ്ഥർ സംഭവസ്ഥലത്തെത്തും. ഡിജിപിയുമായി സംസാരിച്ചിട്ടുണ്ടെന്നും വിഷയം ഗൗരവത്തോടെയാണ് കാണുന്നതെന്നും മുഖ്യമന്ത്രി പറഞ്ഞു. സ്‌ഫോടനത്തിൽ ഒരാൾ മരിച്ചു. രണ്ടു പേരുടെ നില ഗുരുതരമാണ്. മറ്റുള്ളവർ ആശുപത്രിയിൽ ചികിത്സയിലാണ്. കൂടുതൽ വിവരങ്ങൾ അറിഞ്ഞ ശേഷം പ്രതികരിക്കുമെന്നും മുഖ്യമന്ത്രി പറഞ്ഞു.
