‘ജയിലര്‍’ സിനിമ തിയറ്ററുകളിലെത്തി കണ്ടവർക്ക് പൈസ തിരിച്ചുകൊടുക്കാൻ തയ്യാറാണ്: ധ്യാന് ശ്രീനിവാസന്‍
തന്റെ അഭിമുഖങ്ങൾ കണ്ട് ആരും സിനിമ കാണാൻ പോകരുതെന്ന് ധ്യാന് ശ്രീനിവാസൻ പറഞ്ഞു. റിലീസായ ശേഷം റിപ്പോർട്ടുകൾ അറിഞ്ഞതിന് ശേഷം മാത്രമേ സിനിമ കാണാൻ പോകാവൂ എന്ന് ധ്യാൻ പറഞ്ഞു. താൻ പ്രധാന കഥാപാത്രത്തെ അവതരിപ്പിച്ച ‘ജയിലർ’ സിനിമ കണ്ടവരുടെ പണം തിരികെ നൽകാൻ തയ്യാറാണെന്ന് ധ്യാൻ പറഞ്ഞു. നദികളിൽ സുന്ദരി യമുന എന്ന ചിത്രത്തിന്റെ പ്രസ് മീറ്റിൽ സംസാരിക്കുകയായിരുന്നു താരം.
‘‘പൊട്ടാൻ വേണ്ടി ആരും സിനിമ എടുക്കുന്നില്ലല്ലോ? ഒരു പാർട് ടൈം ആക്ടറായാണ് ഞാന്‍ എന്നെത്തന്നെ കണക്കാക്കുന്നത്. കൊറോണ കമ്മിറ്റ്മെന്റ്സ് എന്നാണ് എന്നെത്തന്നെ വിളിക്കുന്നത്. പല അഭിമുഖങ്ങളിലും ഇതു പറഞ്ഞിട്ടുമുണ്ട്. നടനാകണമെന്ന് ആഗ്രഹിച്ച് സിനിമയിൽ വന്ന ആളല്ല ഞാൻ. സംവിധായകനാകാൻ സിനിമയിൽ വന്ന ആളാണ്.
കൊറോണ കാലത്ത് എനിക്ക് ചില ആശങ്കകൾ ഉണ്ടായിരുന്നു. ഇനി സിനിമകൾ ഉണ്ടാകില്ല എന്ന് പോലും വിചാരിച്ചു. അതിനിടയിൽ ഞാൻ ഒരുപാട് സിനിമകളിൽ ഒപ്പുവച്ചു. ആ പ്രതിബദ്ധതകളിൽ ഞാൻ ഇപ്പോഴും പ്രവർത്തിക്കുന്നു. എന്നെ അറിയാവുന്ന, എന്നെ ബന്ധിപ്പിച്ചിട്ടുള്ളവരുടെ സിനിമകളാണിത്. മിക്കതും തുടക്കക്കാരുടെ സിനിമകളാണ്.
കഴിഞ്ഞ രണ്ട് വർഷത്തിനിടെയിൽ ഞാൻ ചെയ്ത സിനിമകളിൽ ഏറ്റവും കൂടുതൽ വ്യക്തിപരമായി പുഷ് ചെയ്തത് ‘ഉടൽ’ എന്ന സിനിമയാണ്. ആ സിനിമയ്ക്ക് ഒരു ക്വാളിറ്റിയുണ്ടെന്ന് എനിക്ക് ഉറപ്പുണ്ടായിരുന്നു. അതിനു ശേഷം ഞാൻ പുഷ് ചെയ്യാൻ പോകുന്ന സിനിമയായിരിക്കും ‘നദികളിൽ സുന്ദരി യമുന’.
