കഷായത്തിൽ വിഷം കലർത്തി ഷാരോണിനെ കൊന്ന കേസ്; ഗ്രീഷ്മയ്ക്ക് ജാമ്യം അനുവദിച്ച് ഹൈക്കോടതി
കേരളത്തെ ഞെട്ടിച്ച പാറശ്ശാല ഷാരോൺ വധക്കേസിലെ മുഖ്യപ്രതി ഗ്രീഷ്മയ്ക്ക് ഹൈക്കോടതി ജാമ്യം അനുവദിച്ചു. ഉപാധികളോടെയാണ് ഹൈക്കോടതി ജാമ്യം അനുവദിച്ചിരിക്കുന്നത്. ഷാരോണിനെ ക്കൊലപ്പെടുത്തിയ കേസിൽ ഗ്രീഷ്മയെ നെടുമങ്ങാട് പൊലീസ് അറസ്റ്റ് ചെയ്തത് കഴിഞ്ഞ ഒക്ടോബർ 31നാണ്. കേസിലെ കൂട്ടുപ്രതികളായ അമ്മയ്ക്കും അമ്മാവനും കോടതി നേരത്തെ ജാമ്യം അനുവദിച്ചിരുന്നു.
കീഴ്‌ക്കോടതി ഹർജി തള്ളിയതോടെ പ്രതികൾ ഹൈക്കോടതിയെ സമീപിച്ചു. ചെയ്ത കു, റ്റകൃ, ത്യം കേരള കോടതിയുടെ പരിധിയിൽ വരുന്നതല്ലെന്നും തമിഴ്‌നാട് കോടതിക്ക് വിചാരണ നടത്താൻ അധികാരമുണ്ടെന്നും ഹർജിയിൽ ചൂണ്ടിക്കാട്ടിയിരുന്നു. ഗ്രീഷ്മയ്‌ക്കൊപ്പം കൂട്ടുപ്രതികളായ ഗ്രീഷ്മയുടെ അമ്മ സിന്ധുവും അമ്മാവൻ നിർമ്മൽ കുമാരനും ചേർന്നാണ് ഹർജി നൽകിയത്. കേസിൽ പ്രതികൾക്കെതിരെ കുറ്റം ചുമത്തിയില്ലെങ്കിൽ മൂന്നാഴ്ചത്തേക്ക് ഇടക്കാലത്തേക്ക് മാറ്റിവെക്കാൻ ഹൈക്കോടതി ഉത്തരവിട്ടിരുന്നു.
കഴിഞ്ഞ ഒക്ടോബർ 14ന് തമിഴ്‌നാട്ടിലെ പളുക്കലിലുള്ള വീട്ടിൽവെച്ചാണ് ഗ്രീഷ്മ ചടങ്ങ് നടത്തിയത്. കാമുകനായിരുന്ന ഷാരോണിന് കഷായത്തിൽ വിഷം കലക്കി നൽകുകയായിരുന്നു. ശാരീരിക അസ്വാസ്ഥ്യം നേരിട്ട ഷാരോണിനെ ആശുപത്രിയിൽ പ്രവേശിപ്പിച്ചു. എന്നാൽ ദിവസങ്ങളോളം അവശതകളോട് പൊരുതി ഒടുവിൽ ഒക്ടോബർ 25ന് ഷാരോൺ മരണത്തിന് കീഴടങ്ങുകയായിരുന്നു.
