ഹോട്ടലിൽ നിന്ന് ഷവർമ കഴിച്ച് ഭക്ഷ്യവിഷബാധ; ഗുരുതരാവസ്ഥയിൽ ചികിത്സയിലായിരുന്ന യുവാവിനു ദാരുണാന്ത്യം
കാക്കനാട് ഷവർമ കഴിച്ച് ഗുരുതരാവസ്ഥയിലായിരുന്ന യുവാവ് മരിച്ചു. കഴിഞ്ഞ മൂന്ന് ദിവസമായി വെന്റിലേറ്ററിലായിരുന്നു. കോട്ടയം സ്വദേശി രാഹുൽ ആർ നായരാണ് മരിച്ചത്. ഷവർമയിൽ നിന്ന് ഭക്ഷ്യവിഷബാധയേറ്റതായാണ് നിഗമനം. കഴിഞ്ഞ ബുധനാഴ്ച ഷവർമ കഴിച്ചു. അന്നുമുതലാണ് ആരോഗ്യപ്രശ്‌നങ്ങൾ തുടങ്ങിയതെന്ന് സുഹൃത്തുക്കൾ പറഞ്ഞു.
ആരോഗ്യപ്രശ്നങ്ങളെ തുടർന്നാണ് രാഹുലിനെ ആശുപത്രിയിൽ പ്രവേശിപ്പിച്ചത്. അദ്ദേഹത്തിന് ഹൃദയാഘാതവും വൃക്ക തകരാറും ഉണ്ടായിരുന്നു. ഗുരുതരാവസ്ഥയിലായ രാഹുൽ ഡയാലിസിസിന് വിധേയനായി. കാക്കനത്തെ ഹോട്ടലിൽ നിന്നാണ് ഇയാൾക്ക് ഭക്ഷ്യവിഷബാധയേറ്റത്.
ഷവർമ കഴിച്ച് ആരോഗ്യപ്രശ്‌നങ്ങൾ ഉണ്ടായതായി യുവാവ് ഡോക്ടർക്ക് നൽകിയ മൊഴിയിൽ പറയുന്നു. യുവാവിന്റെ പരാതിയിൽ ഹോട്ടൽ അടച്ചുപൂട്ടി. വിഷയത്തിൽ ആരോഗ്യമന്ത്രി ഡിഎച്ച്എസിനോട് വിശദീകരണം തേടി.
