റോഡ് മുറിച്ചുകടക്കുന്നതിനിടെ ബൈക്കിടിച്ച് നിർമല കോളേജ് വിദ്യാർത്ഥിനി മരിച്ചു
റോഡ് മുറിച്ചുകടക്കുന്നതിനിടെ ബൈക്കിടിച്ച് കോളേജ് വിദ്യാർത്ഥിനീ മരിച്ചു. മൂവാറ്റുപുഴ നിർമല കോളജിലെ അവസാന വർഷ വിദ്യാർഥിനി നമിതയാണ് മരിച്ചത്. നമിതയ്‌ക്കൊപ്പമുണ്ടായിരുന്ന വിദ്യാർഥിനിക്കും ബൈക്ക് യാത്രികനും ഗുരുതരമായി പരിക്കേറ്റു.
തിരക്കേറിയ സ്ഥലത്ത് ഇരുവശവും സൂക്ഷിച്ചുനോക്കി റോഡ് മുറിച്ചുകടക്കുകയായിരുന്ന വിദ്യാർഥികളെ അമിതവേഗതയിലെത്തിയ ബൈക്ക് ഇടിക്കുകയായിരുന്നു. നിർമല കോളേജിന് മുന്നിലായിരുന്നു ഈ അപകടം സംഭവിച്ചത്. സംഭവം നടക്കുമ്പോൾ നിരവധി വിദ്യാർഥികൾ ഈ ബസ് സ്റ്റോപ്പിലുണ്ടായിരുന്നു. പരിക്കേറ്റവരെ ഉടൻ തന്നെ നാട്ടുകാർ ആശുപത്രിയിൽ എത്തിച്ചെങ്കിലും നമിതയുടെ ജീവൻ രക്ഷിക്കാനായില്ല.
